രണ്ട്​ ഡി.വൈ.എഫ്​.ഐ പ്രവർത്തകർ വെ​ട്ടേറ്റ്​ മരിച്ച സംഭവത്തിൽ മൂന്ന്​ പേരെ കസ്​റ്റഡിയിലെടുത്തു.
KeralaNewsNationalLocal NewsCrime

രണ്ട്​ ഡി.വൈ.എഫ്​.ഐ പ്രവർത്തകർ വെ​ട്ടേറ്റ്​ മരിച്ച സംഭവത്തിൽ മൂന്ന്​ പേരെ കസ്​റ്റഡിയിലെടുത്തു.

വെഞ്ഞാറമൂട്ടിൽ രണ്ട്​ ഡി.വൈ.എഫ്​.ഐ പ്രവർത്തകർ വെ​ട്ടേറ്റ്​ മരിച്ച സംഭവത്തിൽ മൂന്ന്​ പേരെ കസ്​റ്റഡിയിലെടുത്തു. കൊലപാതകത്തിൽ കോൺഗ്രസ്​ പ്രവർത്തകർക്ക്​ പങ്കുണ്ടെന്ന്​ പൊലീസ്​ പറഞ്ഞിട്ടുള്ളത്. അക്രമികൾ സഞ്ചരിച്ചിരുന്ന കെ എൽ 21 കെ 4201 ബൈക്ക്​ തേംമ്പാംമൂട് നിന്ന് പോലീസ്​ കസ്​റ്റഡിയിലെടുത്തു​. മറ്റ്​ പ്രതികൾക്കായുള്ള തെരച്ചിൽ ഊർജിതമാക്കിയതായി പോലീസ് പറഞ്ഞു. അഞ്ചുപേരടങ്ങുന്ന സംഘമാണ്​ കൊല നടത്തിയതെന്നാണ്​ പോലീസ് സംശയിക്കുന്നത്. ഡി.വൈ.എഫ്​.ഐ കലിങ്ങിൻ മുഖം യൂനിറ്റ് പ്രസിഡൻ്റ് ഹഖ്​ മുഹമ്മദ് (24) തേവലക്കാട് യൂനിറ്റ് ജോയിൻറ്​ സെക്രട്ടറി മിഥിലാജ് ( 30 ) എന്നിവരാണ്​ ഞായറാഴ്ച അർധരാത്രി വെട്ടേറ്റ് കൊല്ലപ്പെട്ടത്. തേമ്പാംമൂട് മദപുരത്ത് വെച്ചാണ്​​ സംഭവം നടക്കുന്നത്. ബൈക്കിൽ സഞ്ചരിച്ച ഇരുവരെയും തടഞ്ഞുനിർത്തി വെട്ടുകയായിരുന്നു. ഇവർക്കൊപ്പമുണ്ടായിരുന്ന ഷഹിൻ നിസാര പരിക്കുകളോടെ ഓടി രക്ഷപ്പെട്ടു. പ്രദേശത്തെ സി.സി.ടി.വി കാമറകൾ എല്ലാം തല തിരിച്ചു വെച്ചിരിക്കുന്ന നിലയിലായിരുന്നു. കൊല ആസൂത്രിതമായി നടത്തിയതെന്നാണ് ഇത് സൂചന നൽകുന്നത്. സംഭവ സ്​ഥലത്തിന്​ സമീപത്തെ കെട്ടിടങ്ങളിൽ ഉണ്ടായിരുന്ന കാമറകളാണ്​ തിരിച്ചു വെച്ചിരുന്നത്.

തേമ്പാംമൂട് മദപുരത്ത് രണ്ട്​ മാസം മുമ്പ്​​ സി.പി.എം – കോൺഗ്രസ്​ സംഘർഷം നടന്നിരുന്നു. കഴിഞ്ഞ ലോക്​സഭ തെരഞ്ഞെടുപ്പ്​ കാലത്ത് രാഷ്ട്രീയ വൈരാഗ്യം പലതവണ ഏറ്റുമുട്ടലുകളിൽ കലാശിച്ചിരുന്നു.​ അതിപ്പോൾ കൊലപാതകത്തിൽ കലാശിച്ചിരിക്കുകയാണ്. നെഞ്ചിൽ കുത്തേറ്റ മിഥ്​ലാജ്​ സംഭവ സ്​ഥലത്ത്​ വെച്ചു തന്നെ മരണപെട്ടു. ഒന്നിലേറെ തവണ വെ​ട്ടേറ്റ ഹഖ്​ മുഹമ്മദ്​ തിരുവനന്തപുരം മെഡിക്കൽ കോളജിൽ വെച്ചാണ്​ മരണപ്പെടുന്നത്. മെയ്​ മാസത്തിൽ പ്രദേശത്ത്​ നടന്ന ആക്രമണത്തിന്​ പിന്നിലുള്ള സംഘം തന്നെയാണ്​ കൊലപാതകത്തിന്​ പിന്നിലെന്നാണ് പോലീസ് സംശയിക്കുന്നത്. രണ്ട്​ ബൈക്കുകളിലായാണ്​ പ്രതികൾ എത്തുന്നത്. കസ്​റ്റഡിയിലെടുത്ത ബൈക്ക്​ ഉടമയാണ്​ പൊലീസ്​ പിടിയിലായവരിൽ ഒരാൾ. കൊലപാതകത്തിൽ പ്രതിഷേധിച്ച്​ ഡി.വൈ.എഫ്​.ഐ തിരുവോണ നാളിൽ സംസ്​ഥാന വ്യാപകമായി കരിദിനം ആചരിക്കുകയാണ്. കൊലപാതകത്തിന്​ പിന്നിൽ കോൺഗ്രസാണെന്നാണ് സി പി എം ആരോപിക്കുന്നത്.

Related Articles

Post Your Comments

Back to top button