ആര്‍ക്കും ഇന്ത്യയുടെ മണ്ണ് വിട്ടുകൊടുക്കില്ല.മോദി

ആര്‍ക്കും ഇന്ത്യയുടെ മണ്ണ് വിട്ടുകൊടുക്കില്ലെന്ന് പ്രധാനമന്ത്രി നരേന്ദ്ര മോദി. ഇന്ത്യയുടെ ഒരിഞ്ച് ഭൂമി പോലും ആരുടെയും കൈവശമില്ല. വെ​ള്ളി​യാ​ഴ്ച വൈ​കി​ട്ട് വീ​ഡി​യോ കോ​ണ്‍​ഫ​റ​ന്‍​സ് വഴി നടന്ന സ​ര്‍​വ​ക​ക്ഷി യോ​ഗ​ത്തി​ല്‍ സം​സാ​രി​ക്കു​ക​യാ​യി​രു​ന്നു പ്രധാനമന്ത്രി.
“ചൈനയ്ക്ക് ഇന്ത്യന്‍ സേന ശക്തമായ മറുപടി നല്‍കി. സൈന്യത്തിന്‍റെ കരുത്തില്‍ ഇന്ത്യ സുശക്തമാണ്. ഇന്ത്യയെ കണ്ണുവച്ചവരെ പാഠം പഠിപ്പിച്ചു. സൈന്യം ഏത് നീക്കത്തിനും തയ്യാര്‍. നമ്മുടെ ധീരതയില്‍ നമ്മുക്ക് വിശ്വാസമുണ്ട്. ല​ഡാ​ക്കി​ല്‍ ആ​രും ഇ​ന്ത്യ​യു​ടെ അ​തി​ര്‍​ത്തി ക​ട​ന്നി​ട്ടി​ല്ല. ഇ​ന്ത്യ​യു​ടെ അ​തി​ര്‍​ത്തി ആ​രും മ​റി​ക​ട​ന്നി​ട്ടി​ല്ല, ഇ​ന്ത്യ​യു​ടെ പോ​സ്റ്റു​ക​ള്‍ പിടി​ച്ചെ​ടു​ത്തി​ട്ടുമില്ല. ചൈ​ന അ​തി​ര്‍​ത്തി​യി​ല്‍ ചെ​യ്ത​ത് രാ​ജ്യ​ത്തെ മു​ഴു​വ​ന്‍ വേ​ദ​നി​പ്പി​ക്കു​ക​യും രോ​ഷം കൊ​ള്ളി​ക്കു​ക​യും ചെ​യ്തു. ല​ഡാ​ക്കി​ല്‍ ന​മ്മു​ടെ 20 ജ​വാ​ന്‍​മാ​ര്‍ ര​ക്ത​സാ​ക്ഷി​ത്വം വ​രി​ച്ചു. എ​ന്നാ​ല്‍ ഇ​ന്ത്യ​യു​ടെ മേ​ല്‍ ക​ണ്ണ് പ​തി​പ്പി​ച്ച​വ​ര്‍ ഒ​രു പാ​ഠം​പ​ഠി​ച്ചു. ” പ്രധാനമന്ത്രി പറഞ്ഞു.

‘അതിര്‍ത്തിയിലെ പട്രോളിങ് ശക്തമാക്കിയിട്ടുണ്ട്. ന​മ്മു​ടെ രാ​ഷ്ട്ര​ത്തെ സം​ര​ക്ഷി​ക്കാ​നു​ള്ള ഒ​രു അ​വ​സ​ര​വും ഇ​നി സൈ​ന്യം പാ​ഴാ​ക്കി​ല്ലെ​ന്ന് ഉ​റ​പ്പ് ന​ല്‍​കു​ക​യാ​ണ്. മ​റ്റൊ​രാ​ള്‍ ന​മ്മു​ടെ പ്ര​ദേ​ശ​ത്തെ ഒ​രി​ഞ്ച് സ്ഥ​ല​ത്തി​നു മേ​ല്‍ ക​ണ്ണ് വ​യ്ക്കാ​തി​രി​ക്കാ​നു​ള്ള ശേ​ഷി നാം ​നേ​ടി​യി​ട്ടു​ണ്ട്. ഭൂ​മി​യി​ലും ആ​കാ​ശ​ത്തി​ലും ജ​ല​ത്തി​ലും ഇ​ന്ത്യ​യെ ര​ക്ഷി​ക്കാ​ന്‍ സൈ​ന്യം സ​ജ്ജ​മാ​ണ്. വീ​ര​മൃ​ത്യു വ​രി​ച്ച ജ​വാ​ന്‍​മാ​ര്‍​ക്കൊ​പ്പം രാ​ജ്യം മു​ഴു​വ​നു​മു​ണ്ട്. ഏ​ത് മേ​ഖ​ല​യി​ലേ​ക്ക് നീ​ങ്ങാ​നും സൈ​ന്യം സ​ജ്ജ​മാണ്‌. ഇ​ന്ത്യ സ​മാ​ധാ​ന​വും സൗ​ഹൃ​ദ​വു​മാ​ണ് ആ​ഗ്ര​ഹി​ക്കു​ന്ന്. എ​ന്നാ​ല്‍ രാ​ജ്യ​ത്തി​ന്‍റെ പ​ര​മാ​ധി​കാ​രം സം​ര​ക്ഷി​ക്കു​ക​യെ​ന്ന​താ​ണ് പ​ര​മ​പ്ര​ധാ​നം. സാ​യു​ധ​സേ​ന​യ്ക്ക് എ​ല്ലാ സ്വാ​ത​ന്ത്ര്യ​വും നൽകുമ്പോൾ ത​ന്നെ ന​യ​ത​ന്ത്ര ത​ല​ത്തി​ലും ചൈ​ന​യോ​ട് നി​ല​പാ​ട് വ്യ​ക്ത​മാ​ക്കി​ക്കഴിഞ്ഞു. അ​ടി​സ്ഥാ​ന സൗ​ക​ര്യ​ങ്ങ​ള്‍ വ​ര്‍​ധി​ച്ച​തോ​ടെ നി​യ​ന്ത്ര​ണ രേ​ഖ​യി​ല്‍ പ​ട്രോ​ളിം​ഗ് വ​ര്‍​ധി​ച്ചിരിക്കുന്ന. അ​തി​നാ​ല്‍ ത​ന്നെ ജാ​ഗ്ര​ത​യും വ​ര്‍​ധി​ച്ചു.’ മോദി പറഞ്ഞു.

കോണ്‍ഗ്രസ് അധ്യക്ഷ സോണിയ ഗാന്ധി, ബിജെപി അധ്യക്ഷന്‍ ജെ പി നന്ദ, തൃണമൂല്‍ കോണ്‍ഗ്രസ് നേതാവ് മമത ബാനര്‍ജി, സിപിഎം ജനറല്‍ സെക്രട്ടറി സീതാറാം യച്ചൂരി, സിപിഐ ദേശീയ സെക്രട്ടറി ഡി. രാജ, ബിഎസ്പി നേതാവ് മായാവതി, ശിവസേന നേതാവ് ഉദ്ധവ് താക്കറെ തുടങ്ങിയവര്‍ ആണ് വീഡിയോ കോണ്‍ഫറന്‍സ് വഴി നടന്ന യോഗത്തില്‍ പങ്കെടുത്തത്. ‘അവസാനഘട്ടത്തില്‍ ആയിട്ടും പ്രതിസന്ധിയുടെ നിര്‍ണ്ണായകമായ വശങ്ങളെക്കുറിച്ച് നമ്മള്‍ ഇപ്പോഴും ഇരുട്ടിലാണെന്നു സോണിയാ ഗാന്ധി ആരോപിച്ചു. ‘എപ്പോഴാണ് ചൈനീസ് സൈന്യം ഇന്ത്യന്‍ അതിര്‍ത്തിക്കുള്ളിലേക്ക് പ്രവേശിച്ചത്? സര്‍ക്കാരിന് എപ്പോഴാണ് വിവരം കിട്ടിയത്? മെയ് 5 നു തന്നെയാണോ അതോ അതിനു മുമ്പ് ആണോ ചൈനീസ് അക്രമം നടന്നത്? ചൈനീസ് അതിക്രമം അറിയാന്‍ വൈകിയോ?’, തുടങ്ങിയ ഏഴ് ചോദ്യങ്ങളാണ് സോണിയാ ഗാന്ധി പ്രധാനനേന്ദ്രിയോട് ചോദിച്ചത്.